Një raportim në mediat spanjolle të enjten pretendoi se ish-mbrojtësi i Real Madridit, Dani Carvajal, ka vendosur një kusht të pazakontë për t’u transferuar te Getafe. Carvajal është lojtar i lirë pas përfundimit të kontratës me Real Madridin në fund të sezonit të kaluar, çka i mundëson të nënshkruajë me cilindo klub pa u kufizuar nga afatet e zakonshme të merkatos.
Sipas radios Marca , futbollisti është i gatshëm të pranojë ulje të pagës për të veshur fanellën e Getafes, por vetëm nëse kontrata përfshin një klauzolë të panegociueshme që lidhet me të ardhmen e tij. Kjo klauzolë do t’i mundësonte Carvajalit të largohej nga Getafe gjatë afatit kalimtar të dimrit, në rast se merr një ofertë nga ndonjë klub tjetër dhe dëshiron ta pranojë atë.
Me fjalë të tjera, mbrojtësi do të nënshkruante një marrëveshje me pëlqimin e të dyja palëve, e cila do ta mbante te Getafe për vetëm tre muaj, deri në hapjen e afatit kalimtar të dimrit. Megjithatë, Getafe nuk duket e interesuar për një marrëveshje të tillë. I njëjti burim raporton se kjo kërkesë po e thellon edhe më shumë hendekun mes dy palëve.
Sinjali – aty ku e vërteta flet para lajmit!