Kombëtarja e Kosovës në basketboll 3×3, në konkurrencën e meshkujve, do ta nisë garën në Lojërat Mesdhetare Taranto 2026 më 29 gusht ndaj Portugalisë, pas ndryshimeve të fundit në programin e garës. Ndeshja Kosovë – Serbi, e paraparë të zhvillohej po atë ditë, nuk do të luhet pas tërheqjes së Serbisë nga gara.
Si rrjedhojë, Grupi C tani përbëhet nga Kosova, Portugalia dhe Turqia, ndërsa dy skuadrat e para do të kualifikohen në çerekfinale. Orari i Kosovës – Meshkujt 29 gusht | 🇽🇰 Kosova – Portugalia 🇵🇹 30 gusht | 🇹🇷 Turqia – Kosova 🇽🇰 Ndryshimet nuk ndikojnë në programin e Kosovës në konkurrencën e femrave.
Vajzat do t’i zhvillojnë ndeshjet sipas orarit të paraparë, në grup me Italinë dhe Greqinë. Orari i Kosovës – Femrat 29 gusht | 🇬🇷 Greqia – Kosova 🇽🇰 29 gusht | 🇮🇹 Italia – Kosova 🇽🇰 Ndeshjet e fazës finale zhvillohen më 31 gusht dhe 1 shtator. Kosova mbetet e fokusuar në synimin për të dhënë më të mirën dhe për një paraqitje sa më dinjitoze në Itali.