Volejbollistet e kombëtares gjermane kanë bërë një hap të madh drejt fazës me eliminim direkt të Kampionatit Evropian. Tani i presin edhe dy detyra shumë të vështira. “Gjermania fitoi bindshëm ndaj Hungarisë me rezultat 3:0, me sete , dhe , duke regjistruar fitoren e dytë në turne.
Lojtarja gjermane më e suksesshme në sulm ishte Lina Alsmeier, e cila shënoi 13 pikë”, ka shkruar media gjermane “Kicker”. Volejbollistja Anastasia Cekulaev, tha: “Nuk e patëm një fillim të lehtë. Nga ndeshja në ndeshje jemi rritur. Sot treguam forcën tonë”.
Vetëm nëse Letonia ose Hungaria, të cilat deri tani nuk kanë fituar asnjë ndeshje, arrijnë t’i fitojnë bindshëm dy ndeshjet e tyre të fundit, mund ta rrezikojnë kualifikimin e Gjermanisë. Megjithatë, për gjermanet mbetet e rëndësishme edhe pozita në renditje, pasi ajo përcakton kundërshtarin në fazën e 1/8 së finales.
Pas humbjes në ndeshjen hapëse ndaj Sllovenisë, Gjermania duket se po shkon drejt vendit të katërt në grup. Kjo do të sillte një kundërshtar të vështirë në fazën me eliminim direkt. Dy detyrat më të vështira të grupit janë ende përpara: të mërkurën Gjermania përballet me Turqinë, vendase dhe kampione në fuqi, në orën sipas orës gjermane, ndërsa të enjten luan kundër Polonisë.