Një shtëpi është e përfshirë nga zjarri në orët para të mëngjesit të sotëm në rrugën “Selman Lokaj” në lagjen Matiçan të Prishtinës. Rastin e ka konfirmuar zëdhënësja e Policisë për rajonin e Prishtinës, Flora Ahmeti, e cila tha se incidenti për zjarrin është raportuar rreth orës .
Ahmeti përmes një përgjigje me shkrim tha se janë shkaktuar dëme materiale dhe se tashmë Policia dhe Prokurori i Shtetit po marrin veprimet e nevojshme. Ahmeti: Janë shkaktuar dëme materiale, janë ndërmarr veprimet e mëtejme “Sot zyrtarët e stacionit policor jugu në Prishtinë janë angazhuar në një incident zjarri të raportuar rreth orës , ku janë shkaktuar dëmeve materiale.
Policia në koordinim me Prokurorin e shtetit po ndërmarrin veprimet e mëtejme”, tha Ahmeti. Në këtë incident janë përfshirë edhe tri vetura, e reagimi i zjarrfikësve ka qenë i menjëhershëm. Kështu tregoi për KosovaPress, komandanti i Zjarrëfikësve në Prishtinë, Malë Gashi.
Gashi: Janë të përfshira tri vetura, reagimi ka qenë i menjëhershëm “Sipas raportit që e kam parë, janë përfshirë tri vetura. Edhe pjesa ku kanë qenë të parkuara, reagimi ka qenë i shpejtë edhe kanë arritur me lokalizuar dhe me fikur zjarrin. I menjëhershëm ka qenë dhe për fat që kanë reaguar shpejt e kanë kapur në atë fazë të zhvillimit të zjarrit”, tha Gashi.
Media ka shkuar në vendin e ngjarjes mirëpo pronari dhe familjarët nuk pranuan të prononcohen për rastin.