Alejandro Balde mund të largohet nga Barcelona në ditët e fundit të afatit kalimtar, pasi mbrojtësi spanjoll është i hapur për një transferim te Manchester United Sipas ESPN, 22-vjeçari është bërë një nga objektivat e klubit anglez, i cili po kërkon përforcime në krahun e majtë të mbrojtjes.
E ardhmja e Baldes në Barcelonë është vënë në pikëpyetje pasi ai nuk ishte pjesë e skuadrës për ndeshjen e parë të La Ligës ndaj Elches. Trajneri Hansi Flick deklaroi se lojtari kishte nevojë të “qartësonte kokën”. Ndërkohë, Manchester United ka nisur të shqyrtojë mundësinë e transferimit përmes përfaqësuesve të lojtarit.
Balde ka ende kontratë me Barcelonën, por situata aktuale mund ta bëjë të mundur largimin e tij. Nëse United vendos të bëjë ofertë zyrtare, ditët e fundit të afatit kalimtar mund të jenë vendimtare për të ardhmen e mbrojtësit spanjoll.