Në astrologji, eklipset lidhen me ndryshime të forta, kthesa të papritura dhe momente që na shtyjnë të shohim më qartë çfarë duam të lëmë pas dhe ku duam të shkojmë. Këtë herë, fokusi është te periudha mes dy eklipseve. Më 12 gusht ndodhi eklipsi diellor në Luan, ndërsa më 28 gusht pritet eklipsi hënor te Peshqit.
Sipas astrologëve, 16 ditët mes tyre njihen si “messy middle”, një lloj mesi kaotik ku mund të ndihesh sikur je pranë një ndryshimi, por ende jo plotësisht aty. Kjo periudhë mund të sjellë lodhje, pajtime, ndarje, ndjesinë e mbingarkesës apo të një kapitulli që po mbyllet. Edhe pse energjia e kësaj periudhe mund të ndihet nga të gjithë, katër shenja pritet ta përjetojnë më shumë.
Mbani mend se “mesi kaotik” mes eklipseve nuk ka pse të nënkuptojë vetëm rrëmujë. Në astrologji, këto periudha shihen edhe si momente tranzicioni, ku diçka po përfundon, ndërsa diçka tjetër ende nuk ka marrë formë plotësisht. Demi Për Demin, tensioni lidhet kryesisht me ekuilibrin mes jetës personale dhe asaj profesionale.
Mund të ketë shumë gjëra që kërkojnë vëmendje njëkohësisht dhe prioritetet do të bëhen thelbësore. Edhe nëse tundimi për të pushuar është i madh, disa çështje pune mund të kërkojnë përqendrim deri pas eklipsit hënor. Lajmi i mirë? Pas kësaj periudhe intensive pritet më shumë hapësirë për pushim dhe rikthim te një ritëm më i shëndetshëm.
Binjakët Binjakët mund të ndihen të pasigurt për drejtimin që duan të marrin, sidomos në punë dhe në mënyrën si duan të shprehin veten. Standardet janë të larta dhe mund të ketë një përplasje mes asaj që është praktike dhe asaj që është kreative. Kjo periudhë kërkon pak durim. Sa më qartë ta kuptosh çfarë do, aq më shpejt mund të nisësh të ndiesh se gjërat po ecin përpara.
Mesazhi kryesor: mos i kërko vetes perfeksion në çdo hap. Akrepi Për Akrepin, kjo periudhë mund të sjellë rikthimin e disa temave nga e shkuara, por këtë herë me mundësinë për t’i mbyllur përfundimisht. Çështjet financiare dhe profesionale mund të marrin një kthesë më pozitive, ndërsa disa investime ose përpjekje të mëparshme mund të fillojnë të japin rezultat.
Në marrëdhënie, Akrepi mund të ketë dëshirë ta mbajë një lidhje më private për momentin, pa e ekspozuar shumë ndaj të tjerëve. Shigjetari Për Shigjetarin, fokusi shkon te shtëpia, familja dhe nevoja për t’u rikthyer te gjërat bazë. Mund të ketë ndjesi lodhjeje ose shkëputjeje dhe pikërisht për këtë arsye është e rëndësishme të krijosh hapësirë për pushim dhe për njerëzit e afërt.
Ndonjëherë, gjëja më e mirë që mund të bësh është të fikësh telefonin për pak, të shkëputesh nga puna dhe të kuptosh se çfarë do vërtet të ndjekësh më pas.