Shtetet e Bashkuara të Amerikës kanë anuluar stërvitjen e përbashkët ushtarake “Ssangyong” me Korenë e Jugut, e cila ishte planifikuar të zhvillohej gjatë muajit shtator. Vendimi është marrë në një kohë kur Pentagoni po zhvendos trupa dhe pajisje ushtarake drejt Lindjes së Mesme, për shkak të konfliktit me Iranin.
Zyrtarë të SHBA-së dhe Koresë së Jugut kanë konfirmuar anulimin e stërvitjes, ndërsa Seuli pritet ta zhvillojë atë pa pjesëmarrjen e forcave amerikane. “Ssangyong” zakonisht përfshin nga 10 deri në 20 mijë trupa, si dhe anije sulmi amfibe dhe avionë luftarakë. Vendimi vjen vetëm pak kohë pasi një tjetër stërvitje e përbashkët, “Ulchi Freedom Shield”, u shkurtua nga 11 në pesë ditë.
Zhvendosja e forcave amerikane drejt Lindjes së Mesme tregon për përqendrimin gjithnjë e më të madh të Pentagonit në zhvillimet e sigurisë në rajon. Sinjali – aty ku e vërteta flet para lajmit!