Ollie Watkins është lënë jashtë skuadrës së Aston Villës për ndeshjen e sotme, teksa bisedimet për një transferim të mundshëm te Al Hilal po avancojnë. Sulmuesi anglez ka arritur marrëveshje për kushtet personale me klubin saudit dhe tashmë Al Hilal pritet të rikthehet me një ofertë të re për Aston Villën. Klubi nga Arabia Saudite është optimist se mund ta mbyllë marrëveshjen për Watkins.
Al Hilal ka bërë disa oferta për 30-vjeçarin, por Aston Villa i ka refuzuar propozimet e mëparshme. Tashmë, largimi i Watkins duket gjithnjë e më i mundshëm, ndërsa vetë lojtari është i hapur për transferimin në Saudi Pro League. Në rast të shitjes së Watkins, Aston Villa tashmë ka nisur punën për gjetjen e zëvendësuesit të tij.
Nicolas Jackson i Chelsea-t raportohet si një prej objektivave kryesorë të klubit anglez.