Një incident serioz ka ndodhur në orët e hershme të mëngjesit në Fushë Kosovë, ku një debat mes disa personave në Sheshin e Lirisë ka eskaluar gjatë intervenimit të Policisë, duke përfunduar me tre të arrestuar dhe dy zyrtarë policorë të lënduar. Sinjali mëson se në rast janë përfshirë E.K. (rreth 25 vjeçar), R.A. (rreth 45 vjeçar) dhe A.K. (rreth 20 vjeçar).
Ngjarja ka ndodhur sot, rreth orës , në Sheshin e Lirisë në Fushë Kosovë, ku patrulla policore ka hasur pesë persona duke debatuar me zë të lartë mes vete. Por me intervenimin e Policisë, situata ka marrë tjetër drejtim.
Sipas informacioneve që ka siguruar Sinjali, gjatë arrestimit E.K. dyshohet se ka refuzuar t’u bindet zyrtarëve policorë dhe ka kundërshtuar arrestimin duke bërë rezistencë fizike. Ai dyshohet se gjatë gjithë kohës ka kanosur edhe një zyrtar policor. Në incident janë përfshirë edhe A.K. dhe R.A., të cilët dyshohet se kanë penguar zyrtarët policorë gjatë arrestimit.
Intervenimi ka përfunduar me dy policë të lënduar. Dy zyrtarët kanë pësuar lëndime të lehta trupore dhe, pas trajtimit fillestar në QMF në Bresje, janë dërguar në QKUK në Prishtinë për trajtim të mëtejmë. Tre të dyshuarit janë arrestuar dhe shoqëruar në Stacionin Policor në Fushë Kosovë, ku më pas janë intervistuar në praninë e avokatëve mbrojtës. Ata i janë nënshtruar edhe alkool-testit.
Sipas të dhënave të rastit, E.K. ka rezultuar me 0.25%, ndërsa R.A. me 0.56%. Për rastin është njoftuar Prokurori i Shtetit. Ndaj E.K. është iniciuar rast për “Kanosje”, ndërsa pas përfundimit të procedurave ai është liruar në procedurë të rregullt.
Ndërkaq, ndaj A.K. dhe R.A. është iniciuar rasti për “Pengim të personit zyrtar në kryerjen e detyrave zyrtare” dhe, me vendim të Prokurorit, të dy janë ndaluar për 48 orë dhe dërguar në Qendrën e Mbajtjes në Lipjan. Kështu, një debat mes disa personave pak para orës të mëngjesit në qendër të Fushë Kosovës përfundoi me tre arrestime, dy policë të lënduar dhe dy persona në mbajtje.
Sinjali – aty ku e vërteta flet para lajmit!