Norvegjia planifikon të ndajë rreth 8 miliardë euro ndihmë për Ukrainën gjatë vitit 2027, duke ruajtur pothuajse të njëjtin nivel mbështetjeje si në vitin 2026. Sipas agjencisë ndërkombëtare të lajmeve Reuters, ndihma do të përfshijë mbështetje ushtarake dhe humanitare për Ukrainën, e cila vazhdon të përballet me pasojat e luftës së vazhdueshme me Rusinë.
Njoftimi u bë në kohën kur kryeministri norvegjez, Jonas Gahr Støre, së bashku me liderë të vendeve nordike dhe baltike, ndodhet në Kiev në shenjë mbështetjeje për Ukrainën. Støre ka theksuar se ndihma për Ukrainën nuk duhet parë vetëm si asistencë financiare, por si një investim në sigurinë e Evropës. “Mbështetja dhe rindërtimi i Ukrainës nuk janë vetëm ndihmë.
Ato janë investim në sigurinë e vetë Evropës”, ka deklaruar ai, sipas Reuters. Ndihma e re pritet të përdoret për nevoja ushtarake dhe humanitare, ndërsa Ukraina vazhdon të ketë nevojë për financim të madh për mbrojtjen, rindërtimin e infrastrukturës dhe funksionimin e shërbimeve publike.
Me këtë mbështetje, Norvegjia pritet të vazhdojë të jetë ndër vendet evropiane që ofrojnë ndihmë të konsiderueshme për Ukrainën në luftën kundër pushtimit rus. Sinjali – aty ku e vërteta flet para lajmit!