Një kategori e re në çmimet Emmy këtë vit mund të sjellë një situatë të pazakontë: deri në pesë programe mund të shpallen fituese në të njëjtën kategori. Në kategorinë e re “Best Variety Series” konkurrojnë The Late Show with Stephen Colbert, The Daily Show, Last Week Tonight with John Oliver, Saturday Night Live dhe Jimmy Kimmel Live!.
Ndryshimi vjen pas vendimit të Akademisë së Televizionit për të bashkuar kategoritë “Outstanding Scripted Variety Series” dhe “Outstanding Talk Series”, për shkak të numrit më të ulët të aplikimeve. Foto: Scott Kowalchyk /CBS Kjo kategori funksionon ndryshe nga kategoritë tradicionale.
Secili program vlerësohet veçmas dhe votuesit duhet t’i përgjigjen me “po” ose “jo” pyetjes nëse ai program e meriton një Emmy. Çdo program që merr të paktën 90 për qind vota “po” shpallet fitues. Nëse asnjëri nuk arrin këtë përqindje, fitues bëhet programi me përqindjen më të lartë të votave pozitive.
Një nga favoritët kryesorë është “Last Week Tonight with John Oliver”, i cili ka fituar çmimin kryesor për dhjetë vitet e fundit. Foto: AP Për këtë arsye, ai shihet si kandidati më i sigurt për të fituar edhe këtë vit. Në garë shihet me mundësi të mëdha edhe “The Late Show with Stephen Colbert”, sidomos pas anulimit të emisionit nga CBS.
Për më tepër, Colbert ka marrë mbështetje të madhe nga kolegët e tij dhe kjo mund të ndikojë te votuesit. Foto: Getty Images Edhe “Jimmy Kimmel Live!” mund të përfitojë nga mbështetja e publikut dhe industrisë pas përplasjeve që Kimmel pati gjatë vitit të fundit me ABC dhe FCC.
Ndërkohë, The Daily Show dhe Saturday Night Live konsiderohen gjithashtu kandidatë me shanse, edhe pse mund të kenë më pak momentum. Foto: Getty Images Megjithatë, pyetja kryesore është nëse votuesit do të jenë të gatshëm t’u japin çmimin të pestë programeve apo do të jenë më përzgjedhës.
Nëse disa prej tyre arrijnë pragun prej 90 për qind, Emmyt mund të kenë për herë të parë deri në pesë fitues në një kategori të vetme. Foto: Getty Images