Një aksident i rëndë trafiku ka ndodhur të shtunën mbrëma në Heidenheim të Baden-Württembergut, ku dy automjete janë përplasur fuqishëm në një kryqëzim. Sipas policisë, rreth orës , një 36-vjeçar me një Mitsubishi tentoi të kthehej majtas në rrugën Heckentalstraße, por dyshohet se nuk i dha përparësi një BMW-je që po vinte nga drejtimi i kundërt.
Në kohën e aksidentit, semaforët në kryqëzim nuk ishin në funksion, ndërsa sipas policisë BMW-ja kishte përparësi. Përplasja ndodhi në mes të kryqëzimit, ndërsa nga fuqia e goditjes BMW-ja u zhvendos disa metra dhe rrëzoi dy shtylla të semaforëve.
Në BMW ndodheshin tre persona të moshës 26, 24 dhe 20 vjeç, të cilët pësuan lëndime të lehta dhe u dërguan për trajtim në një klinikë në Heidenheim. Edhe drejtuesi 36-vjeçar i Mitsubishi-t mbeti i bllokuar brenda automjetit të përmbysur. Zjarrfikësit u detyruan ta nxirrnin duke prerë pjesë të veturës.
Ai pësoi po ashtu lëndime të lehta dhe u dërgua për trajtim në Spitalin Universitar të Ulmit. Dëmet materiale në automjete dhe në sistemin e semaforëve vlerësohen në rreth 26 mijë euro. Policia ka nisur hetimet për të sqaruar rrethanat e plota të aksidentit, përfshirë edhe nëse drejtuesi i BMW-së po lëvizte me shpejtësi më të madhe se e lejuara. Sinjali – aty ku e vërteta flet para lajmit!