Princi Harry dhe Meghan Markle pritet të rikthehen në Londër për një periudhë të zgjatur, gjashtë vite pas largimit nga detyrat mbretërore, por vendimi duket se nuk është pritur njësoj nga të gjithë anëtarët e familjes mbretërore. Sipas raportimeve të mediave britanike, çifti pritet të jetojë në Britani si qytetarë privatë, pa marrë role zyrtare në monarki.
Mbreti Charles thuhet se e ka mirëpritur mundësinë për të kaluar më shumë kohë me djalin e tij, ndërsa rikthimi i Sussex-ëve ka shkaktuar shqetësime te Princi William dhe Kate Middleton. Një ekspert mbretëror ka paralajmëruar se rikthimi i Harry-t mund të sjellë sfida të reja për familjen, veçanërisht për shkak të marrëdhënieve ende të tensionuara mes dy vëllezërve.
Sipas raportimeve, rikthimi në Britani nuk nënkupton një rikthim në detyrat mbretërore. Harry dhe Meghan do të mbeten anëtarë joaktivë të familjes mbretërore, ndërsa ideja e një statusi “gjysmë brenda, gjysmë jashtë” nuk duket të jetë në tryezë.
Raportimet kanë ngritur gjithashtu pikëpyetje mbi arsyen e vërtetë të rikthimit të çiftit në Londër, nga dëshira për të qenë më pranë familjes deri te zhvillimet në jetën e tyre publike në Shtetet e Bashkuara.