Një udhëtim kampingu në malet Altai të Rusisë është kthyer në tragjedi për një çift të ri, pasi 29-vjeçarja Snezhana Korolyova u sulmua për vdekje nga një ari i murrmë. Ngjarja ndodhi rreth orës në fshatin Artybash, vetëm një ditë pasi i fejuari i kishte propozuar për martesë. Çifti ishte zgjuar nga zhurmat jashtë çadrës, kur ariu e shqeu atë dhe e tërhoqi 29-vjeçaren.
Kafsha më pas e transportoi trupin e saj përtej lumit Biya. Dëshmitarët deklaruan se ariu nuk largohej nga viktima. Një kampiste tjetër tregoi se motra e saj ishte përballur me të njëjtën kafshë gjatë asaj nate, por kishte shpëtuar pasi një shofer e trembi ariun me dritat e automjetit. Trupi i Korolyovas u gjet më vonë në një zonë ku dyshohet se ishte varrosur nga ariu.
Policia dhe rojet e gjuetisë qëlluan në ajër për ta larguar kafshën, e cila mbeti në arrati. Pas ngjarjes, autoritetet shpallën gjendje alarmi dhjetëditore në Artybash. Banorët kanë shprehur shqetësim për rreth 20 arinj që thuhet se lëvizin rregullisht pranë shtëpive të tyre. Sinjali – aty ku e vërteta flet para lajmit!