Sinjali ka mësuar identitetin e personit të arrestuar në Shtime, pasi gjatë një kontrolli policor rezultoi se ishte i kërkuar nga organet e drejtësisë dhe ndaj tij kishte urdhër-arrest aktiv. Burimet e Sinjalit bëjnë të ditur se bëhet fjalë për Avdi Dugollin , 49 vjeçar, i cili pas arrestimit është dërguar për vuajtjen e dënimit prej 1 viti e 215 ditësh burgim.
Dugolli është ndaluar më 20 gusht, rreth orës , në rrugën “Tahir Sinani” në Shtime, derisa po drejtonte një Opel Combo të bardhë. Njësia e Trafikut Rajonal e kishte ndaluar automjetin gjatë patrullimit, por verifikimi i shoferit në sistem ka nxjerrë në pah se ai ishte person i kërkuar.
Ai është arrestuar dhe shoqëruar në Stacionin Policor në Shtime, ku janë kompletuar procedurat për ekzekutimin e urdhëresave. Pas përfundimit të dokumentacionit, Dugolli është dërguar në Qendrën e Paraburgimit në Prishtinë për të vuajtur dënimin prej 1 viti e 215 ditësh burgim. Sinjali do t’ju mbajë të informuar për detaje të reja lidhur me rastin.
Ekskluzive | I kërkuar nga drejtësia, bie në pranga i dënuari me 1 vit e 215 ditë burg – Policia e kap gjatë kontrollit në Shtime Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata. Sinjali – aty ku e vërteta flet para lajmit!