Joao Cancelo është rikthyer te Barcelona, këtë herë në mënyrë të përhershme, pasi ka ndërprerë me marrëveshje të dyanshme kontratën me Al-Hilal. Mbrojtësi portugez 32-vjeçar ka firmosur kontratë trevjeçare me klubin katalanas, duke u kthyer sërish në Camp Nou pas huazimit të sezonit të kaluar. “Është ëndrra ime. Jam aty ku dua të jem dhe jam shumë i lumtur.
E dua klubin, identifikohem me të. Ndihem i dashur këtu dhe premtoj se do të jap gjithçka për këtë klub”, ka deklaruar Cancelo. Ky është rikthimi i tretë i Cancelos te Barcelona, por për herë të parë ai bëhet pjesë e klubit si lojtar i përhershëm. Portugezi kishte luajtur më parë për Barcelonën në huazim gjatë sezonit 2023/24 dhe sezonin e kaluar.
Cancelo iu bashkua Al-Hilal nga Manchester City në vitin 2024 me kontratë trevjeçare, por aventura e tij në Arabinë Saudite përfundoi pas dy vitesh. Barcelona ndërkohë ka përforcuar skuadrën edhe me Rodrin, ish-bashkëlojtarin e Cancelos te Manchester City, për të cilin raportohet se ka paguar rreth 65 milionë funte. Sinjali – aty ku e vërteta flet para lajmit!