Presidenti amerikan Donald Trump deklaroi të martën se nuk ka bisedime në zhvillim apo të planifikuara me Iranin, vetëm një ditë pasi kishte thënë se administrata e tij kishte krijuar një kanal të fshehtë komunikimi me Gardën Revolucionare Islamike të Iranit (IRGC), strukturën ushtarake që i raporton liderit suprem të vendit.
“Nuk ka bisedime apo komunikime që po zhvillohen, apo që janë planifikuar, me Republikën Islamike të Iranit. Bllokada detare mbetet plotësisht në fuqi. Ngushtica e Hormuzit është e hapur dhe funksionale. Të gjitha minat detare janë larguar ose janë shpërthyer”, shkroi Trump në një postim në Truth Social.
Vetëm një ditë më parë, Trump kishte deklaruar se administrata e tij kishte krijuar një kanal të fshehtë komunikimi me IRGC-në. “Ata janë lojtarë të mirë të pokerit, por po vdesin”, kishte thënë Trump për Fox News, duke shtuar se nuk kishte përcaktuar ndonjë afat kohor dhe se nuk ishte me nxitim.
Ndërkohë, IRGC-ja e Iranit mohoi se po zhvilloheshin bisedime të fshehta me Shtetet e Bashkuara. Sinjali – aty ku e vërteta flet para lajmit!