Kelly Osbourne ka thënë se ndihet “sikur ka rilindur”, pasi “u largua nga gjithë kjo çmenduri” për të shijuar një pushim relaksues, pas largimit të ish-të fejuarit të saj, Sid Wilson, nga grupi Slipknot.
Personalitetja televizive, 41 vjeçe, e cila u nda nga keyboardisti Sid, 49 vjeç, në mars, shijoi rrezet e diellit gjatë një arratisjeje luksoze pranë detit, së bashku me djalin e tyre trevjeçar, Sidney. Kelly dukej mahnitëse me një kostum banje me print leopardi, teksa relaksohej me miqtë pranë një pishine përpara se të shkonte në plazh, shkruan Daily Mail, transmeton “Bota sot”.
Kelly Osbourne me djalin e saj Ajo e kompletoi kostumin njëpjesësh me një kapele të madhe për diellin dhe syze dielli të mëdha, ndërsa pozonte për disa foto tërheqëse në Instagram. Ylli i reality show-t shkroi: Kelly Osbourne “Po kuptoj vërtet se sa e rëndësishme është të largohesh ndonjëherë nga gjithë kjo çmenduri.
Zhytem aq shumë në jetë, punë, njerëz, plane… në gjithçka që po ndodh rreth meje, saqë harroj vërtet se edhe unë kam të drejtë të ndaloj. Të shkëputem. Të marr frymë. Thjesht të jem. Ky pushim më ka kujtuar se të bësh një pauzë nuk do të thotë të humbasësh kohë — ndonjëherë është pikërisht ajo që të duhet për t’u rikthyer te vetja. Sinqerisht, ndihem sikur kam rilindur.
Më e çlirët, më e qetë, më e lumtur… dhe absolutisht JO gati të kthehem në shtëpi. Shënim për veten: bëje këtë më shpesh. Jeta do të jetë ende aty kur të kthehesh.”