Gjashtë persona kanë humbur jetën dhe katër të tjerë janë plagosur si pasojë e sulmeve me raketa në rajonin Belgorod të Rusisë, ka bërë të ditur guvernatori në detyrë i rajonit, Alexander Shuvaev. Në mesin e të plagosurve është edhe një 14-vjeçar, i cili është dërguar në spital për trajtim mjekësor.
Sipas Shuvaev, sulmet gjatë natës kanë dëmtuar një ndërtesë dhe një automjet në fshatin Koloskovo, në rrethin Valuysky, pranë kufirit me Ukrainën. Sulmet erdhën vetëm një natë pasi zyrtarët rusë raportuan për atë që e cilësuan si sulmin më të madh ukrainas gjatë këtij viti, ku të paktën shtatë persona humbën jetën. Ndërkohë, edhe sulmet ruse në Ukrainë kanë shkaktuar viktima.
Sipas autoriteteve ukrainase, të paktën shtatë persona janë vrarë dhe mbi 39 të tjerë janë plagosur. Gjatë javëve të fundit, Rusia ka intensifikuar sulmet me raketa ndaj objektivave në Ukrainë, ndërsa Kievi ka shtuar sulmet me dronë në territorin rus. Të dyja palët vazhdojnë të akuzojnë njëra-tjetrën për sulme ndaj civilëve. Sinjali – aty ku e vërteta flet para lajmit!