Gjykata e Apelit ka lënë në fuqi pjesën kryesore të aktgjykimit dënues ndaj Beqir Hoxhës, i shpallur fajtor për veprën penale “Fajde”, duke konfirmuar dënimin prej 4 vjetësh burgim dhe 5 mijë euro gjobë. Sipas vendimit të Apelit, janë refuzuar si të pabazuara si ankesa e Prokurorisë Themelore në Prizren, ashtu edhe ajo e mbrojtësit të Hoxhës.
Aktgjykimi është ndryshuar vetëm në pjesën që lidhet me kompensimin e dëmit. Apeli ka vendosur që i dëmtuari F.S. të udhëzohet që kërkesën pasurore-juridike ta realizojë përmes kontestit të rregullt civil, ndërsa pjesa tjetër e aktgjykimit ka mbetur e pandryshuar.
Hoxha ishte shpallur fajtor nga Gjykata Themelore më për veprën penale “Fajde”, nga neni 331, paragrafi 3 lidhur me paragrafin 1 të Kodit Penal. Në dënimin me burgim i llogaritet edhe koha e kaluar në paraburgim nga 22 gushti deri më , si dhe periudha e arrestit shtëpiak nga 10 nëntori 2023 deri më .
Apeli: Fajësia është provuar përtej çdo dyshimi Gjykata e Apelit ka rrëzuar pretendimet e mbrojtjes për shkelje esenciale të procedurës penale dhe për vërtetim të gabuar të gjendjes faktike. Sipas vlerësimit të kolegjit, gjykata e shkallës së parë ka dhënë arsye të qarta për faktet që i ka konsideruar të provuara dhe ka bërë vlerësimin e provave në përputhje me dispozitat procedurale.
Apeli ka konstatuar se nga dëshmia e të dëmtuarit F.S., dëshmitë e dëshmitarëve të tjerë dhe provat materiale – përfshirë audio dhe video-incizimet, masat e veçanta hetimore dhe blerjen e simuluar – është vërtetuar përtej çdo dyshimi se Hoxha ka ndërmarrë veprimet për të cilat është shpallur fajtor.
Gjykata ka vlerësuar se në veprimet e tij janë përmbushur elementet objektive dhe subjektive të veprës penale të fajdesë.
Nga 6 mijë euro borxh, pretendohen dhjetëra mijëra euro kamata Sipas aktakuzës së Prokurorisë Themelore në Prizren, rasti e ka zanafillën në vitin 2016, kur F.S. dhe prindi i tij, të gjendur në vështirësi financiare dhe me nevojë për investime në biznesin familjar, kishin kërkuar nga Hoxha 6 mijë euro.
Prokuroria pretendonte se Hoxha kishte mbajtur menjëherë 600 euro si kamatë mujore, ndërsa për çdo muaj vonesë i dëmtuari duhej të paguante nga 600 euro. Sipas aktakuzës, vetëm nga qershori 2016 deri në prill 2023, F.S. kishte paguar 49 mijë e 200 euro kamata.
Më vonë, i dëmtuari kishte marrë edhe 5 mijë euro të tjera, për të cilat pretendohet se kishte paguar nga 500 euro kamatë në muaj, duke arritur në 29 mijë euro pagesa. Në total, sipas aktakuzës, F.S. kishte paguar 78 mijë e 200 euro vetëm në emër të kamatave. Rasti kishte kulmuar më , kur, sipas aktakuzës, Hoxha kishte marrë edhe 12 mijë e 800 euro, moment kur ishte arrestuar në flagrancë.
Apeli ka theksuar se kamata ishte rreth 10 për qind në muaj, ndërsa borxhi kryesor mbetej i pandryshuar. Gjykata ka vlerësuar gjithashtu se fakti që veprimtaria zhvillohej në mënyrë informale dhe pa dokumentacion financiar nuk mund të interpretohej në favor të të akuzuarit.
Sa i përket dënimit, Apeli ka konstatuar se shkalla e parë ka vlerësuar drejt rrethanat lehtësuese dhe rënduese dhe se dënimi prej 4 vjetësh burgim dhe 5 mijë euro gjobë është në përputhje me shkallën e përgjegjësisë penale dhe rrezikshmërinë e veprës.
Ky është Beqir Hoxha-Beqa i cili u kap sot në flagrancë për fajde Kapet i dyshuari me armë në brez përballë Pallatit të Drejtësisë në Prishtinë – përfundon në ndalim 48-orësh Sinjali – aty ku e vërteta flet para lajmit!