Juventusi po e shqyrton portierin e Real Madridit, Andrij Lunin, si një nga opsionet për portën e skuadrës. Ukrainasi 27-vjeçar mund të largohet nga Real Madridi para përfundimit të afatit kalimtar të verës. Deri tani nuk është vendosur asgjë, por emri i Lunin po lidhet gjithnjë e më shumë me një transferim të mundshëm te Juventusi.
Lunin iu bashkua Real Madridit në vitin 2018 nga Zorya Luhansk, por për shkak të Thibaut Courtois nuk arriti kurrë të sigurojë në mënyrë të qëndrueshme vendin e titullarit. Rolin më të madh e pati në sezonin 2023/24, kur për shkak të dëmtimit të Courtois mbrojti në pjesën më të madhe të sezonit dhe kontribuoi në fitimin e La Ligës dhe Ligës së Kampionëve.
Burimi:
Bota Sot