Pas disa javësh negociatash dhe pasigurie, transferimi i Ferran Torres nga Barcelona te Paris Saint-Germain duket se është shumë pranë realizimit. Sipas informacioneve të fundit të gazetarit të njohur të transferimeve, Fabrizio Romano, PSG dhe Barcelona kanë hyrë në fazën vendimtare të negociatave për sulmuesin spanjoll.
Bisedimet mes dy klubeve pritet të zhvillohen së shpejti në raundin final, ku do të përcaktohen detajet e fundit financiare për të mbyllur marrëveshjen. PSG e sheh Torresin si një përforcim të rëndësishëm për repartin ofensiv, ndërsa Barcelona është e gatshme ta shesë lojtarin nëse oferta kalon 50 milionë euro, shumë që do t’i ndihmonte ndjeshëm klubit katalanas në aspektin financiar.
Torres, 26-vjeçar, zhvilloi një sezon të mirë me Barcelonën, duke shënuar 20 gola dhe dhënë 3 asistime në 47 paraqitje. Tashmë, gjithçka pritet të vendoset në orët në vijim, me transferimin që është gjithnjë e më pranë zyrtarizimit.