Paris Saint-Germain e ka nisur sezonin e ri në mënyrën më të mirë të mundshme, duke triumfuar 2-1 ndaj Aston Villas dhe duke e fituar Superkupën e Evropës. Skuadra franceze zhvilloi një paraqitje të mirë dhe tregoi se synon të mbetet protagoniste edhe në sezonin e ardhshëm.
PSG-ja e zhbllokoi ndeshjen në minutën e 20-të, kur Khvicha Kvaratskhelia realizoi pas një asistimi të bukur nga Desire Doue. Aston Villa nuk u dorëzua dhe krijoi disa raste të rrezikshme. Brian Madjo pati disa mundësi të mira për të shënuar, por nuk ishte i saktë para portës.
Megjithatë, sulmuesi arriti të korrigjonte gabimet pak para fundit të pjesës së parë, duke barazuar rezultatin me kokë pas një harkimi të John McGinn në minutën e 45-të. Skuadra angleze e nisi më agresivisht edhe pjesën e dytë. McGinn ishte shumë pranë një goli spektakolar, por portieri i PSG-së reagoi në mënyrë fantastike dhe e mbajti portën të paprekur.
Në minutën e 62-të, Desire Doue u shndërrua në heroin e PSG-së. Francezi përfitoi nga një kundërsulm dhe realizoi nga afërsia. Fillimisht goli u anulua për pozitë jashtë loje, por pas ndërhyrjes së VAR-it vendimi u ndryshua dhe goli u akordua. Me këtë fitore, PSG-ja e nis sezonin me një trofe të rëndësishëm.
Trajneri Luis Enrique tashmë e ka bërë të qartë objektivin e madh të skuadrës: të përsërisë suksesin historik të Real Madridit dhe të bëhet vetëm skuadra e dytë që fiton tri herë radhazi Ligën e Kampionëve. Sinjali – aty ku e vërteta flet para lajmit!