Partnerja e Phil Foden, Rebecca Cooke, ka tërhequr vëmendjen me një veprim të papritur, duke nxjerrë në shitje fanellat e Anglisë në platformën Vinted, e njohur për shitjen e veshjeve të përdorura. Lëvizja është interpretuar si një reagim ndaj vendimit të trajnerit Thomas Tuchel për të mos e përfshirë Foden në skuadrën e Anglisë për Botërorin 2026.
Sipas “The Sun”, Cooke ka vendosur në shitje fanellën e bardhë dhe atë të kuqe të Anglisë, me një çmim prej 70 funtesh (rreth 81 euro) secila. Screenshot Fanellat ishin përshtatur nga një kompani veshjesh, e cila i kishte ngushtuar në pjesën e belit. I njëjti modifikim ishte pëlqyer edhe nga Ellie Watkins, bashkëshortja e Ollie Watkins.
Cooke, e cila ka tre fëmijë me Foden, thuhet se ka nxjerrë në shitje më shumë se 100 artikuj në profilin e saj në Vinted, përfshirë edhe katër fanella të ngjashme të Manchester City. Screenshot Duke komentuar shitjen e fanellave të Anglisë, një burim tha për “The Sun”: “Ndoshta Rebecca kishte një këmbë në avion kur ajo i mori ato”.
Sezoni 2025-26 nuk ishte më i miri për Foden, ndërsa Manchester City humbi për të dytin vit radhazi garën për titullin e Premier League. Në fillim të kësaj jave, futbollisti foli edhe për vendimin për të mos u përfshirë në Botëror.
“U shkëputa për pak kohë nga futbolli, kalova kohë të mira me familjen dhe pushova”, tha Foden, “në sezonin e ri dua të kem një vit të mirë, të ndihmoj skuadrën sa më shumë të jetë e mundur dhe do të përpiqem të jem një prej liderëve me shpresën për të fituar tituj gjithashtu”.