Shpërndaje në: Çmimi i naftës ka rënë edhe të shtunën, derisa ai i benzinës mbetet i njëjtë si një ditë më parë. Sipas Ministrisë së Industrisë, Ndërmarrësisë, Tregtisë dhe Inovacionit, çmimi maksimal i naftës sot do të jetë 1.63 euro për litër, derisa të premten një litër kushtonte 1.66 euro. Ndërkohë që çmimi i benzinës është 1.42 euro për litër.
E çmimi i gazit vazhdon të jetë 0.60 euro për litër. Çmimin më të lartë që nga nisja e luftës në Lindjen e Mesme nafta e arriti në Kosovë më 9 prill, kur një litër shitej për 1.91 euro. Prej arritjes së armëpushimit mes Shteteve të Bashkuara të Amerikës dhe Iranit, çmimi i naftës në tregjet ndërkombëtare kishte shënuar rënie.
Megjithatë, situata ndryshoi sërish pas rikthimit të sulmeve dhe mbylljes së sërishme të Ngushticës së Hormuzit, një nga korridoret më të rëndësishme për transportin e naftës në botë.