Nafta ka vazhduar t’i rrisë fitimet të premten () mes shqetësimeve të mëtejshme rreth hapjes së Ngushticës së Hormuzit, pasi Irani në bashkëpunim me Omanin, ka sugjeruar ndalimin e anijeve të konsideruara armiqësore nëpër ngushticë dhe gjobitjen e rëndë të atyre që shkelnin rregullat e propozuara, raporton Reuters .
Kontratat e ardhshme të naftës së papërpunuar Brent u rritën me 85 cent, ose 1.03%, në 83.34 dollarë për fuçi. Kontratat e ardhshme të naftës së West Texas të SHBA-së u rritën me 52 cent, ose 0.67%, në 77.81 dollarë.
Kontratat e ardhshme të naftës u rritën me më shumë se 3 dollarë për fuçi të enjten, ndërsa Irani shqyrtoi projektligjin për ndalimin e anije amerikane dhe izraelite në Ngushticën e Hormuzit, përmes së cilës kalonte normalisht afërsisht një e pesta e naftës dhe gazit natyror të lëngshëm në botë para se të niste lufta në fundshkurt.
Çmimet ranë më herët gjatë javës, pasi një zgjidhje e mundshme për konfliktin e vazhdueshëm u duk më e mundshme, por nafta Brent shkoi në 80 dollarë të enjten, pasi ra nën atë nivel për herë të parë që nga 13 korriku. Të dy çmimet referuese po shkonin drejt humbjes javore prej rreth 8%.
Analistët kanë thënë se ngjarjet që kanë ndodhur këtë javë sinjalizuan se armiqësitë midis Iranit dhe SHBA-së nuk kanë mbaruar ende.
Një ligjvënës iranian ka thënë se një komision parlamentar po shqyrton projektligjin paraprak për ndalimin e anijeve amerikane, izraelite dhe anije të tjera që konsiderohen armiqësore në Ngushticën e Hormuzit, dhe për të gjobitur shkelësit e kufizimeve të propozuara deri në 20% të vlerës së ngarkesës, sipas agjencisë së lajmeve Fars. Përgatiti: Rexhep Maloku – Kallxo.com