Presidenti i Ukrainës, Volodymyr Zelensky, thotë se ushtria e vendit të tij ka goditur dy rafineri ruse të naftës në sulme “me rreze të gjatë veprimi”, ka raportuar të enjten () BBC . Zelensky thotë se janë goditur rafineritë në Bashkortostan dhe Yaroslavl – në Yaroslavl, mbi qytet u panë re të dendura të tymit të zi.
Guvernatori rajonal i Rusisë e ka quajtur si “sulmin më të madh ndonjëherë nga dronë armiku”, duke thënë se 93 dronë janë shkatërruar, por rezervuarët e magazinimit të naftës janë goditur nga mbeturinat që bien. Në krejt Rusinë, ushtria thotë se ka kapur dhe neutralizuar 605 dronë ukrainas në rajone të shumta, përfshirë Yaroslavlin. Tre persona janë raportuar të vrarë.
Ukraina ka nisur një seri sulmesh ndaj infrastrukturës ruse javëve të fundit, duke përfshirë rafineri dhe depo. Në Ukrainë, sulmet ruse kanë vrarë të paktën 11 persona, thonë zyrtarët. BBC Verify ka gjetur imazhe pasojave të sulmit të mbrëmshëm në qytetin ukrainas të Sumyt, i cili plagosi 12 persona.
Fotografitë, të ndara nga kreu i rajonit të Sumyt, Oleh Hryhorov, tregojnë dëme të mëdha në disa supermarkete dhe ndërtesa të larta, të cilat duket se janë banesa, përgjatë Rrugës Metalurhiv në veri të qytetit. Një dyqan është shembur pjesërisht dhe tjetrit i është dëmtuar fasada. Një dyqan i dytë ka disa dritare të thyera dhe i është shembur një panel i madh metalik.
Përgatiti: Rexhep Maloku – Kallxo.com