Nga nuancat e qiellit deri te kobalti i thellë, bluja po shfaqet në duart dhe këmbët e personazheve më me ndikim të modës Hailey Bieber, Charli XCX dhe Charli D’Amelio po i japin një kuptim të ri shprehjes “bluja e verës”. Nuancat e qiellit, livandës së kaltër, oqeanit dhe kobaltit po shfaqen gjithnjë e më shpesh në thonjtë e duarve dhe të këmbëve.
Në fillim të këtij muaji, Hailey u pa në një mbrëmje me bashkëshortin Justin Bieber, pas përfundimit të Kupës së Botës. Ajo kishte zgjedhur të njëjtën nuancë të kaltër-vjollcë për manikyrin dhe pedikyrin, një ngjyrë e ndritshme dhe disi e papritur. Kjo nuancë krijonte një kontrast tërheqës me fustanin e shkurtër vintage në të kuqe, nga koleksionet e John Gallianos për Dior.
Vetëm disa ditë më vonë, edhe Charli XCX zgjodhi një ngjyrë të ngjashme për pedikyrin. Ajo e kombinoi veshjen plotësisht të zezë me një nuancë të kaltër qielli, e cila dukej lehtë përmes këpucëve të hapura. E kaltra ishte një nga ngjyrat që Vogue e kishte parashikuar si trend të rëndësishëm të thonjve për këtë vit.
Gjashtë muaj më vonë, zgjedhjet e personazheve të njohura po tregojnë se parashikimi ishte i saktë. Por si ta zgjidhni nuancën e duhur? Nuk ka një përgjigje të gabuar. Mund të frymëzoheni nga qielli, deti, lulet ose çdo detaj tjetër përreth jush dhe të zgjidhni tonin që përshtatet më shumë me stilin tuaj.