Sulmuesi Albers Keko, “e ka hedhur pas krahëve” dëmtimin e rëndë, i cili e la jashtë fushave për një kohë të gjatë. Në këtë fazë përgatitore me “Demat e Kuq”, Keko ka bërë mirë, jo vetëm në gjetjen e golit, por edhe manovrimin në fazën ofensive.
Së fundmi, Keko ka folur për mediat, duke dhënë një pasqyrë më të qartë për gjendjen e ekipit dhe objektivin personal, në lidhje me sezonin e ri: Si e vlerësoni paraqitjen e skuadrës në këtë test miqësor (ndaj Pogradecit)? Ky test miqësor na shërben shumë për vazhdimësinë e kampionatit. Besoj se gjendja e skuadrës është e mirë. Shpresoj të vazhdojmë kështu, me fitore, siç e kemi nisur.
Nga ana personale, cilat janë objektivat për sezonin e ri? Nuk dua të vendos objektiva personal. Dua t’i shërbej ekipit sa më shumë dhe të jem mirë, pa dëmtime.