Gazeta Sinjali ka raportuar sot gjatë ditës për një përleshje që ka ndodhur mëmë , në rrugën “Tahir Sinani” në Prizren, ku një person është rrahur brutalisht dhe ka pësuar lëndime të rënda trupore.
Sipas burimeve të Sinjalit, i dyshuari për këtë rast është Arianit Krasniqi , ndërsa viktima, Avni Kokaj , ka pësuar thyerje të nofullës, ku i cili ka marrë trajtim mjekësor në Qendrën Klinike Universitare të Kosovës.
Viktima e këtij rasti, Kokaj, ka folur për Sinjalin dhe ka treguar versionin e tij për ngjarjen, duke deklaruar se nuk e kishte njohur më parë personin që dyshohet se e kishte sulmuar. “Unë nuk e kam njohur më parë këtë person dhe nuk i di motivet. Para meje kanë qenë dy persona, të cilët nuk i njoh.
Ajo që di është se Policia më ka telefonuar dhe më ka kërkuar të shkoj për ta mbyllur lokalin e vëllait. Arsyet nuk i di, por me siguri personat që më kanë rrahur kanë pasur probleme me të. Lokali i vëllait është një lloj qebaptoreje apo kafeneje”, ka deklaruar Kokaj. Ai ka bërë të ditur se nuk është më i shtrirë në QKUK, por po vazhdon trajtimin mjekësor.
“Në QKUK nuk jam më i shtrirë, por trajtimin jam duke e vazhduar. Tash jam më mirë”, ka shtuar ai. Sinjali do të vazhdojë t’ju mbajë të informuar lidhur me zhvillimet e reja për këtë rast.
Ekskluzive: Shkoi për t’ia mbyll lokalin vëllait, u kthye me nofull të thyer – viktima rrëfen sulmin për Sinjalin Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata. Sinjali – aty ku e vërteta flet para lajmit!