Revistës The Sun i është drejtuar një 29-vjeçare, e cila rrëfen se një natë pasionante me një burrë të martuar në festën e ditëlindjes së një shoqeje i ka ndryshuar jetën, shkruan The Sun, përcjell “Bota sot”. Edhe pse ai nuk e ka kontaktuar më, ajo pranon se nuk arrin ta harrojë dhe nuk di nëse është dashuruar me të apo thjesht i mungon emocioni i asaj nate.
Rrëfimi i lexueses: E dashura psikologe, Bëra seks me një burrë të martuar në kopshtin e shoqes sime dhe tani nuk mund ta heq nga mendja. Jam 29 vjeçe dhe kam katër vite që jam beqare. Jeta ime sentimentale kishte qenë shumë e qetë derisa, disa javë më parë, shkova në festën e ditëlindjes së një shoqeje. Aty njoha një burrë, mik i disa të ftuarve.
Që në momentin e parë mes nesh pati një kimi të fortë. Shkëmbenim shikime gjatë gjithë mbrëmjes dhe çdo bisedë mes nesh dukej sikur kishte një kuptim tjetër. E dija se ishte i martuar. Mbante unazën dhe përmendi disa herë gruan e tij, ndaj u përpoqa ta largoja nga mendja. Më vonë dola në kopsht për të pirë një cigare dhe ai më ndoqi.
Filluam të bisedonim, por tensioni mes nesh ishte i pamohueshëm. Brenda pak minutash humbëm kontrollin dhe përfunduam duke bërë seks në kopsht. Ishte përvoja më pasionante që kam jetuar ndonjëherë. Pas kësaj, secili u kthye te festa dhe ai mezi më hodhi sytë për pjesën tjetër të mbrëmjes. Që atëherë nuk kam marrë asnjë telefonatë apo mesazh prej tij.
Megjithatë, unë vazhdoj ta kujtoj çdo ditë – mënyrën si më shikonte, pasionin dhe lidhjen që ndjeva në ato çaste. E di që është i martuar dhe ndoshta për të nuk ka qenë asgjë më shumë se një aventurë, por nuk po arrij ta harroj. Si ta kuptoj nëse më mungon ai apo thjesht emocioni i asaj nate?
Përgjigjja e psikologes: Ajo që ndodhi atë natë duket se të ka prekur jo vetëm fizikisht, por edhe emocionalisht. Kur një përvojë është kaq intensive, sidomos pas një periudhe të gjatë pa romancë, është e lehtë të ngatërrosh pasionin me dashurinë. Megjithatë, është e rëndësishme të kujtosh se ky burrë nuk është emocionalisht i lirë.
Për sa kohë ai është i martuar, ajo që ndjeve nuk mund të shndërrohet në një marrëdhënie të shëndetshme. Shpesh nuk na mungon vetë personi, por ndjesia e të qenit të dëshiruar, të parë dhe të vlerësuar. Shihe këtë përvojë si një kujtesë se je ende e aftë të krijosh lidhje të forta emocionale, por me personin e gabuar.
Partneri i duhur do të jetë i lirë të ndërtojë një marrëdhënie të sinqertë me ty dhe të të japë atë që meriton.