Katër persona kanë humbur jetën pas një aksidenti të rëndë në Liverpool të Britanisë së Madhe, pasi vetura me të cilën po udhëtonin doli nga rruga dhe u përplas me një shtyllë ndriçimi. Aksidenti ndodhi në orët e para të mëngjesit në rrugën Liverpool Road, në zonën Huyton .
Policia njoftoi se një veturë e zezë Seat Cupra , që po udhëtonte nga Liverpooli drejt Knowsley-t, humbi kontrollin pas përplasjes me shtyllën. Katër burra, të moshave 23, 23, 24 dhe 26 vjeç , u shpallën të vdekur në vendngjarje pak para orës . Një tjetër pasagjer, 27 vjeç, u dërgua në spital dhe ndodhet në gjendje stabile.
Banorët pranë vendit të ngjarjes kanë treguar se dëgjuan një zhurmë të madhe rreth orës . Një grua tha për mediat lokale se zhurma ishte aq e fortë sa mendoi se ishte përmbysur një kamion. Policia ka mbyllur disa rrugë përreth zonës, ndërsa vendi i aksidentit është rrethuar për hetime.
Autoritetet kanë kërkuar nga dëshmitarët ose personat që mund të kenë pamje nga kamerat e sigurisë të kontaktojnë policinë. “Ky është një moment shkatërrues për familjet dhe të dashurit e katër personave që humbën jetën. Prioriteti ynë është të zbulojmë se si ndodhi përplasja”, tha mbikëqyrësi i policisë, Paul Holden.
Rrugët e mbyllura pritet të qëndrojnë të bllokuara gjatë gjithë fundjavës, ndërsa është vendosur edhe kufizim i përkohshëm për fluturimet me dronë mbi zonën e aksidentit. Sinjali – aty ku e vërteta flet para lajmit!