Aventura e Mauro Icardit te Galatasaray ka mbaruar, pasi shënoi 65 gola në Super Ligë dhe fitoi katër kampionate, një Kupë të Turqisë dhe një Superkupë. Klubi nga Stambolli vendosi t’i bënte homazh sulmuesit argjentinas në rrjetet sociale me një mesazh të gjatë dhe prekës: “Sot nuk po flasim për një lamtumirë, por për një trashëgimi.
Fakti që nuk e vesh më fanelën e Galatasarayt nuk do ta ndryshojë kurrë vendin që mban në zemrat tona. Sepse ke fituar dashurinë e çdo tifozi të Galatasarayt, nga më i riu tek më i madhi. Përtej golave që shënove, titujve si golashënuesi më i mirë, rekordeve që theve dhe trofeve që ngrite, ti e jetove pasionin për Galatasarayn dhe ua përcolle atë miliona njerëzve.
Ti nuk je vetëm një lojtar që e ka shkruar emrin tënd me shkronja të arta në historinë e klubit: tani je një legjendë e paharrueshme e Galatasarayt dhe do të mbetesh i tillë përgjithmonë. I dashur kapiten, ti bëre që një brez i tërë të dashurohej me Galatasarayn. Nëse sot kaq shumë fëmijë thonë me krenari: “Unë jam një tifoz i Galatasarayt”, kjo është gjithashtu falë teje.
Të gjithë tifozët e Galatasarayt e dinë këtë… Një dashuri si kjo nuk harrohet kurrë “.