Shakira ka tërhequr vëmendjen e publikut gjatë finales së Kupës së Botës me një paraqitje spektakolare, ku fustani i saj luksoz ka qenë një nga detajet më të komentuara të mbrëmjes. Veshja e krijuar nga shtëpia e modës Roberto Cavalli përmbante mbi 200 mijë kristale Swarovski, të vendosura me dorë gjatë rreth 120 orëve punë.
Fustani, i dizajnuar nga drejtori kreativ i markës, Fausto Puglisi, ishte frymëzuar nga ngjyrat e perëndimit të diellit, me nuanca portokalli, rozë dhe të verdhë, duke i dhënë artistes një pamje të fuqishme dhe festive në skenë.
Shakira ka treguar se ideja e kësaj paraqitjeje lidhej edhe me një moment simbolik në karrierën e saj, duke rikujtuar veshjen që kishte mbajtur në ceremoninë e Kupës së Botës 2010, kur interpretoi hitin “Waka Waka”. “Është një moment që mbyll një cikël të plotë. Po i bëjmë homazh së kaluarës, ndërsa shohim drejt së ardhmes”, ka deklaruar këngëtarja.
Performanca e Shakirës ishte pjesë e spektaklit madhështor të finales së Botërorit, ku morën pjesë edhe emra të tjerë të mëdhenj të muzikës dhe artit ndërkombëtar. Sinjali – aty ku e vërteta flet para lajmit!