Zjarri më i madh në zona banimi në historinë moderne norvegjeze shkatërroi më shumë se 100 shtëpi dhe detyroi qindra njerëz të evakuoheshin, njoftuan autoritetet të shtunën. Zjarri në Norvegjinë jugore nisi në një kompleks banesash të ngjitura në qytetin e Drammenit, rreth orës të së premtes, bëri të ditur policia. Më pas, ai u përhap në zonën përreth dhe në pyjet aty pranë.
Të shtunën në mëngjes, zjarrfikësit vazhduan përpjekjet për ta vënë flakën nën kontroll, raporton AP. Drejtoria Norvegjeze për Mbrojtjen Civile deklaroi të shtunën se ky ishte zjarri më i madh i këtij lloji në kohët moderne. NRK, transmetuesi publik i Norvegjisë, raportoi se qindra njerëz u drejtuan drejt një qendre evakuimi. Policia njoftoi se nuk ka raportime për banorë të zhdukur.
Nuk u bë menjëherë e qartë se çfarë e shkaktoi zjarrin. Drammeni ndodhet rreth 34 kilometra (21 milje) në jugperëndim të Oslos.