Interi po intensifikon përpjekjet për transferimin e mbrojtësit të krahut të Tottenhamit, Djed Spence, pasi paraqitjet e tij mbresëlënëse në Kupën e Botës kanë forcuar bindjen e klubit se ai është lojtari ideal për sistemin e Cristian Chivut. Sipas Gazzetta , gjigantët e Serie A e kanë identifikuar Spencen si objektivin kryesor për të përforcuar krahun e mbrojtjes.
Reprezentuesi anglez ka tërhequr vëmendjen e klubit italian me shpejtësinë në rikuperim dhe angazhimin në fazën defensive, duke u konsideruar i përshtatshëm për stilin intensiv të lojës së Interit.
Megjithatë, paraqitjet e tij në turne kanë ngritur edhe shqetësime brenda klubit, pasi rritja e profilit të lojtarit mund të sjellë interesim nga klube të tjera dhe të ndikojë në rritjen e çmimit të tij në treg. Për këtë arsye, presidenti Beppe Marotta dhe drejtori sportiv Piero Ausilio po përshpejtojnë planet për transferimin e tij.
Raportohet se Interi është i gatshëm të rrisë ofertën e tij, ndërsa Tottenhami pritet të kërkojë mes 34 dhe 40 milionë euro për 25-vjeçarin. Klubi italian synon të shmangë konkurrencën dhe të sigurojë sa më shpejt shërbimet e Spences. Sinjali – aty ku e vërteta flet para lajmit!