Të dhënat e reja të GPS-it dhe një telefonatë emergjence kanë ndihmuar në rindërtimin e kronologjisë së orëve që i paraprinë zhdukjes dhe vdekjes së 18-vjeçarit Nolan Xavier Wells në ishullin Horn, në Misisipi. I riu kishte udhëtuar me një grup miqsh drejt ishullit për festimet e 4 Korrikut. Sipas të dhënave të gjurmimit, varka u nis nga bregu rreth orës dhe mbërriti në ishull në orën .
Wells u pa për herë të fundit rreth orës , ndërsa varka u largua nga ishulli në orën . Raportimet e mëparshme tregojnë se 18-vjeçari nuk ndodhej në bord kur grupi u nis për t’u kthyer. Gjatë lundrimit, pompa e varkës që largonte ujin pushoi së funksionuari. Drejtuesi i mjetit lundrues telefonoi shërbimet e emergjencës dhe kërkoi ndihmë, duke deklaruar se varka po fundosej.
Kur operatori e pyeti nëse të gjithë personat në bord ishin në gjendje të mirë shëndetësore, telefonuesi u përgjigj se po. Megjithatë, Nolan Wells nuk rezultonte të ishte në varkë. Pas telefonatës, mjeti lundrues u tërhoq për rreth pesë kilometra dhe më pas rifilloi të lëvizte me shpejtësi normale.
Varka u kthye në pikën e nisjes në orën dhe më vonë u transportua drejt banesës së pronarëve. Nëna e 18-vjeçarit e raportoi të birin të zhdukur mbrëmjen e 4 Korrikut, pasi ai nuk u kthye nga ishulli. Në kërkime u përfshinë Roja Bregdetare e Shteteve të Bashkuara, Departamenti i Burimeve Detare të Misisipit dhe Shërbimi Kombëtar i Parqeve.
Trupi i Nolan Wells u gjet dy ditë më vonë në ujë, pranë skajit veriperëndimor të ishullit Horn. Identifikimi u bë përmes të dhënave dentare. Autopsia u krye më 7 korrik, por rezultatet dhe shkaku zyrtar i vdekjes nuk janë bërë ende publike. Familja e të riut ka kërkuar gjithashtu një autopsi të pavarur në Uashington.
Prindërit e Wells kanë deklaruar se nuk besojnë se djali i tyre ka vendosur të qëndrojë vullnetarisht i vetëm në ishull. Ata kërkojnë sqarimin e plotë të rrethanave se si dhe përse 18-vjeçari mbeti pas, ndërsa miqtë e tij u larguan me varkë.