Ushtria e Kuvajtit tha të martën se forcat e saj “aktualisht po sulmojnë objektiva ajrore armiqësore” në hapësirën ajrore të vendit. “Çdo tingull shpërthimi që mund të dëgjohet është rezultat i ndërhyrjes së sistemeve të mbrojtjes ajrore në sulmet armiqësore”, shkroi ushtria në X. Sakaq, ushtria u bëri thirrje njerëzve të ndiqnin udhëzimet e sigurisë të lëshuara nga autoritetet.
Deklarata vjen pasi vende të tjera rajonale, përfshirë Jordaninë dhe Bahreinin, thanë më herët të martën se kishin kapur raketa iraniane dhe kërcënime të tjera ajrore pasi Irani nisi sulme që synonin objektet ushtarake amerikane, mes përshkallëzimit të tensioneve rajonale.
Burimi:
Bota Sot