Dy shtetas të huaj, të cilët u ndaluan pas një përleshjeje fizike në Prishtinë, janë liruar pas pagesës së gjobës, mëson ekskluzivisht Gazeta Sinjali. Sipas burimeve të Sinjalit, rasti kishte ndodhur më 24 qershor, rreth orës , në rrugën “Ahmet Krasniqi”.
Burimet bëjnë të ditur se dy shtetas turq, të cilët dyshohet se kishin bashkëjetuar për dy ditë, pas një mosmarrëveshjeje kishin sulmuar njëri-tjetrin. Të dy ishin shoqëruar në Stacionin Policor Qendra, ku ishin intervistuar në prani të avokatëve mbrojtës sipas detyrës zyrtare.
Po ashtu, ata kishin pranuar tretman mjekësor për lëndimet e dukshme që dyshohet se i kishin pësuar gjatë përleshjes. Rasti fillimisht ishte iniciuar si “Lëndim i lehtë trupor”, ndërsa të dyshuarit ishin dërguar në ndalim policor për 48 orë.
Sipas informacioneve të fundit, pas konsultimit të sërishëm me Prokurorin kujdestar, të dyshuarit kanë paguar gjobën e caktuar dhe është lëshuar urdhëresa për lirimin e tyre. Pas përfundimit të procedurave, ata janë liruar. Dy shtetas turq përleshen mes vete në Prishtinë, ndalohen për 48 orë Sinjali – aty ku e vërteta flet para lajmit!