Një nga befasitë më të këndshme të garave erdhi në disiplinën 3000 metra me pengesa për femra, ku Andreea Stavila-Grosu i solli një fitore të rrallë Moldavisë në Kampionatin Ballkanik të atletikës në Volos të Greqisë.
Atletja moldave dominoi garën nga fillimi deri në fund dhe triumfoi me kohën .41 minuta, duke vendosur një rekord të ri personal dhe duke lënë pas rivaleve të saj me një paraqitje shumë bindëse. Në finalen e 100 metrave për meshkuj, triumfi shkoi për bullgarin Hristo Iliev, i cili fitoi titullin me kohën 10.25 sekonda, me erë të lejuar prej 1.3 m/s.
Ndërkaq, në garën e 100 metrave për femra, austriakja Magdalena Lindner u shpall kampione pas një vrapimi të shkëlqyer, duke kaluar vijën e finishit në 11.40 sekonda, me erë të favorshme brenda normave prej 0.6 m/s.
Rezultatet konfirmuan formën e mirë të atletëve nga Evropa Juglindore, ndërsa Stavila-Grosu, Iliev dhe Lindner shfrytëzuan në maksimum rastin për të ngritur lart flamujt e vendeve të tyre në një ditë plot emocione dhe rekorde në pistën e atletikës.