Në Junik kanë nisur punimet për forcimin e efiçiencës energjetike në kuadër të projektit ndërkufitar “EFFORT”, i financuar nga Bashkimi Evropian. Projekti parasheh vendosjen e paneleve solare dhe masa të tjera për kursimin e energjisë në disa institucione publike, me synim uljen e kostove dhe përmirësimin e shërbimeve për qytetarët.
Në kuadër të programit ndërkufitar IPA Shqipëri-Kosovë dhe projektit “EFFORT”, në komunën e Junikut kanë filluar punimet për forcimin e efiçiencës energjetike. Ky projekt i financuar nga Bashkimi Evropian paraqet një hap të rëndësishëm drejt promovimit të energjisë së ripërtëritshme dhe ndërtimit të politikave të qëndrueshme zhvillimore në nivel lokal.
Ruzhdi Shehu, kryetar i komunës së Junikut tha se projekti parasheh vendosjen e paneleve solare në objekte publike, dhe kontribuon në rritjen e kapaciteteve energjetike dhe uljen e kostove për institucionet publike.
“Këto investime do të krijojnë ambiente më të ngrohta më funksionale për fëmijët tonë, kushte më dinjitoze për pacientët dhe hapësira më efikase për punën e përditshme të institucioneve tona” , tha ai.
“Përveç planeve që ne kemi hartuar për energji dhe klimë, gjithashtu jemi në fazën e implementimit të punimeve të cilat drejtëpërdrejt ndikojnë te këto objekte të cilat kanë të bëjnë me panele solare, me pompa termike dhe ndërhyrje tjera si ndryshimi i dritareve apo edhe ndërhyrje tjera që kanë të bëjnë me efiçiencën e energjisë” , theksoi Elvis Ndreka, menaxher i projektit “EFFORT”.
Qendra e Mjekësisë familjare në Junik është një nga institucionet publike, përfituese e këtij projekti. “Unë mendoj se ky projekt përveç se do të ketë impakt të drejtpërdrejt në zvogëlimin e shpenzimit të energjisë elektrike dhe në uljen e kostos të shpenzimit do të ketë impakt të drejtpërdrejt edhe nëngritjen e cilësisë së shërbimeve shëndetësore për pacientët që kërkojnëdhe marin shërbime në qendrën tonë”, tha Ali Kuçi, drejtor i QKMF-së në Junik.
“Deri më tani janë kryer rreth 40% e punimeve ndërsa presim që deri në fundvit projekti të përfundoj. Projekti është duke u realizuar me Bashkinë e Mirditës dhe organizatën e CO-PLAN-it në kuadër tëthirrjes së IPA” , tha Demokrat Ganijaj, koordinator i projektit.
Përveç në Qendrën Kryesore të Mjekësisë Familjare, masat e efiçiencës së energjisë do të zbatohen në katër institucione tjera publike në Junik. Sipas koordinatorëve, projekti kap vlerën mbi 447 mijë euro dhe do të realizohet brenda një periudhe gjashtëmujore.